Өскеменде тағы бір жер үсті өткелі салынбақ

Қаланың сол жағалауында тағы бір жер үсті жолы салынадыдеп көзделуде, деп хабарлайды YK-news.kz тілшісі.

Мемлекеттік сатып алу порталында ТКШ, жолаушылар көлігі және автомобиль жолдары бөлімі "Freshmarket" ауданындағы Сәтбаев даңғылында жерүсті жаяу жүргіншілер өткелінің құрылысы" туралы хабарландыру жариялады.

Лотпен бірге берілген құжаттарға сәйкес, инженерлік құрылым қарапайым П-тәрізді сызықтық типтегі бір жолақты жер үсті жаяу жүргіншілер өткелі болуы керек. Көтерілу үш бөліктен тұрады: екі баспалдақ-лифт торабы (БЛТ), 1 және 2 қабат және екінші қабат деңгейінде жүргіншілер өтетін бөлік.

 "БЛТ - бұл бір-бірінің айна-қатесіз қайталанба бейнесі болмақ", — делінген құжаттарда.

Өту аралығының (ферманың) ұзындығы 49 метр, өту бөлігінің ені 2,86 метр. Бір баспалдақтың жалпы ұзындығы-37,76 метр, баспалдақ ені — 2,1 метр.

Жер үсті өткелінен сағатына 2100 адам өте алады.

Мүмкіндігі шектеулі тұрғындарға кіру және шығу ыңғайлылығы үшін өткел ғимаратында пандустар көзделетін болады. Лифттердің жүк көтергіштігі — 1000 килограмм.

Өткел электр қуатымен жылытылады деп жоспарлануда.

Техникалық сипаттамаға сәйкес, "FreshMarket" ауданында өткел салу мерзімі — 4 ай. Әзірше мердігер анықталмаған.

Сатып алуға бөлінген жалпы сома (ҚҚС есептемегенде) — 383 475 237 теңге.