Жақында Өскеменде тағы бір мурал пайда болады
Қазір жұмыс Арбаттағы үйлердің бірінің қабырғасында жүріп жатыр, деп хабарлайды YK-news.kz тілшісі.
Естеріңізге сала кетейік, екі мурал толығымен аяқталған. Оларды Көкжал Барақ көшесі 7/1 және Сағадат Нұрмағамбетов көшесі, 43 мекенжайынан көруге болады. Бүгін Арбатта үшінші муралдың суреті басталды, онда қыз өзінің бақытты қаласын бейнелейді. Жұмыс барысында "Tigrohaud crew" шығармашылық командасының мүшелері суретшілер Ержан Танаев пен Әли Зәкірді кездестіруге болады. Олар бізге Алматыдан келген.
Әли Зәкір муралда мұнара машинасының "балконында" жұмыс істеп жатқанда, Ержан Танаевтың сұрақтарға жауап беріп, өз жұмысы туралы аздап айтуға уақыты болды.
— Жұрт жаңа муралдардың өте тез салынғанын байқап отыр. Қалайша осылай жылдам жұмыс істеп жатырсыздар?
— Біздің сурет салғанымызға алты жылдан асты, Өнер академиясын бітірдік. Қазақстан бойынша елуден астам мурал салдық, тәжірибеміз бар. Кейде түнде проекторды қолданып, суретті қабырғаға түсіреміз. Міне, мысалы, мына жерде қолмен сурет сала бастадық. Біз ешқандай кедергілерді көріп отырған жоқпыз. Қағазға сурет салды не, қабырғаға салды не — бәрін істей аламыз, — дейді Ержан күлімсіреп.
— Суреттер арқылы қандай хабарлама бересіздер?
— Негізгі тақырып балалар екені анық. Балалар ауруханасына қарама-қарсы орналасқан алғашқы мурал бәрі жақсы болатыны туралы жарқын хабар жеткізеді. Ол аурухананың терезелерінен көрініп тұр. Балалар терезеден қарап, қандай да бір үміт, жақсы эмоциялар сезінуі үшін. — деп суретші сезімімен бөліседі. — Екінші мурал — жалауы бар бала-патриотизм тақырыбында. Ал үшінші муралдағы негізгі идея — балалар әлемді жарқын, қуатталған позитивпен көреді.
— Сіз қандай материалдармен жұмыс істейсіз?
— Біз арнайы бүріккіш банкалармен, қасбеттік бояумен бояймыз. Үш-төрт жыл бойы сурет жақсы тұрады, — деп сендірді Ержан Танаев. — Әрі қарай, әрине, қабырғаның күйіне және ауа-райының жағдайына байланысты болады. Мысалы, егер мурал үнемі күн сәулесінің астында болса, онда бояу, әрине, тезірек жоғалады.
— Бояудан бұрын қабырғалар алдын-ала дайындала ма?
— Иә, мысалы, осы жақта қабырғаны дайындап қоыпты. Жалпы, жұмыс істеу өте жағымды, өйткені біз әкімдіктен үлкен қолдау көріп отырмыз, — деп жымияды Ержан. — Қала үшін муралдардың пайда болуы осындай тамаша оқиға болып отырғаны қуантады. Жұрт жұмыс процесін бейнеге түсіріп, әлеуметтік желілерде жариялауда. Тіпті дүкендерде де бізді танып жатыр. Үсты-басымыз бояу болып кіріп келіп едік, бізден бірден: "Сіз суретшісіз бе?» деп сұрап жатыр. Жай ғана бояу жағылып келуіміз де мүмкін емес пе? Жоқ, жұрттың бәрі осындай жұмыс істеп жатқанымызды біліп отыр.
— Бірнеше күн бойы кейде жаңбыр жауады. Жұмысқа кедергі жасаған жоқ па?
— Ауа-райы керемет. Жаңбыр тек сергітеді. — деп күлімсіреді суретші. — Ол процеске кедергі болған жоқ. Әрине, қабырға дымқыл болған кезде жұмыс тоқтайды, бояу түспейді ғой. Бірақ ондай болған емес, бәрі сәтті өтіп жатыр.
