Өскемен қаласында абаттандыру жұмыстары жүргізіліп жатқан аудандардың тұрғындарымен әкімнің кездесуі басталды
Жақсылық Омар Ахмирово, Жаңа-Ахмирово, Новоявленки және Прудхоздың шалғай аудандарының тұрғындарымен кездесті, деп хабарлайды YK-news.kz тілшісі.
6 мамыр күні таңертең Ахмирово ауылында орналасқан №49 орта мектептің ауласына адамдар көп жиналды. Мұнда қаланың шалғай аудандарының тұрғындары ғана емес, жақын маңдағы бау-бақша серіктестіктерінің тұрғындары да көптеп келді.
Әкім кездесуді өткен маусымда атқарылған жұмыстардан бастады, атап айтсақ жолдарды орташа, шұңқырлы және қиыршық тасты жөндеу, аулаларды абаттандыру, шағын сәулет нысандарын орнату, электрмен жабдықтау және көшелерді жарықтандыру желілерін монтаждау жұмыстары туралы айтты. Шеткі аумақтардағы абаттандыру жұмыстары тұрғындардың тілектері ескеріле отырып жүргізілгендігін алға тартты.
— Биыл біз бұл жобаларды жалғастыруды жоспарлап отырмыз, — деді қала басшысы. — Магистральдан Прудхозға дейінгі 535 метр жолды орташа жөндеу және Бейбітшілік көшесін қиыршық таспен жөндеу жоспарлануда. Сондай-ақ, Береговая және Зеленая көшелерінде, Ахмироводағы Алпамыс көшесінде: жарықтандыру. Бұл барлығы 36 жарық нүктесі. Сонымен қатар, Ахмер және "Звездный" және "Светоч" бау-бақша серіктестіктерінің аумағында электр желілерінің құрылысы жалғасады. Бұл жұмыстардың бір бөлігі 2023 жылы аяқталады, бір бөлігі 2024 жылға ауысады. Сондай-ақ, биыл № 71г және 42 маршруттарда "Daewoo" және "Yutong" маркалы екі жаңа автобусты іске қосуды жоспарлап отырмыз. Ал "Металлург-6" бау-бақша серіктестігінде көптен күткен футбол алаңы пайда болады.
Кездесу барысында жергілікті тұрғындар қала басшысына 50-ге жуық өзекті сұрақ қойып, олардың отызының бірден шешімі табылды, қалғандары құзырлы органдардың қарауына берілді.