ТҮКШ бөлімі: Аблакеткаға баратын автобустар арасындағы интервал бірнеше минутты құрайды
12 мамырда шалғайдағы аудан тұрғындары мен Өскемен қаласының ТҮКШ, жолаушылар көлігі және автомобиль жолдары бөлімі және Жолаушылар тасымалын басқару орталығы өкілдерінің қорытынды кездесуі өтті.
Кездесуде шенеуніктер медиативтік келісімде айтылған проблемалық мәселелерді шешу жөніндегі жұмысты қорытындылады. Ақпан айында жергілікті тұрғындармен келісім жасалған болатын. Қала тұрғындары бұрыннан қоғамдық көлік жұмысын жолға қоюды сұраған, бірақ мәселені шешу ұзаққа созылды.
– Конкурс бірден өткізілмеді, – деп түсіндірді ТҮКШ бөлімі басшысының орынбасары Асхат Тәженов. – Жолаушыларды тасымалдау қағидаларының 179-тармағына сәйкес көлік қызметтерін көрсетуге арналған конкурсқа тек бір ғана тасымалдаушы қатыса алмайды. Осы жолы солай болды. Сондықтан қайта өткізуге тура келді. Бірыңғай тасымалдаушы анықталды – бұл «Бақытжол» ЖШС. Ол бүгінде Аблакеткаға қызмет көрсетеді. Бұл – № 4, 25, 27 маршруттар. Осы ретте біз жұмысты тоқтатпаймыз, таңғы және кешкі уақытта күнделікті мониторинг жүргізіледі. Автобустардың қозғалыс аралығын өлшеп, олардың саны мен автобус аялдамаларында жиналатын адамдардың санын тексереміз. «Ғибадатхана» аялдамасын нысан ретінде алынды. Дәл осы жерде күн сайын бейне және фотофиксациямен мониторинг жүргізілді. Осы мониторингтің қорытындысы бойынша соңғы екі аптаның ішінде Аблакеткадағы барлық автобустардың қозғалыс аралығы бірнеше минутты құрады. Кешкі уақытта ауытқулар болуы мүмкін, бірақ олар кептелістерге байланысты.
Өзекті мәселені біржақты етуде шешімнің тым ұзақ қабылдануы кент тұрғындарын мамыр айында Өскемен қаласының әкімі мен ТҮКШ бөліміне арыз беруге мәжбүр етті. Сот талқылауының қорытындысында шенеуніктерге 50 АЕК (159 мың теңге) көлемінде айыппұл салынды.
– Бастапқыда Томская ханым мен жергілікті тұрғындар берген сот ісі бойынша медиативті келісім болды, – деп түсіндірді қала әкімінің баспасөз хатшысы Владимир Землянский. – Әкімдік пен ТҮКШ бөлімі тұрғындардың қоғамдық көлік жағдайына қатысты барлық талаптарын толық қабылдады. Яғни, шағын ауданға қызмет көрсететін бірыңғай тасымалдаушыны анықтау бойынша конкурс өткізуге қатысты. Байқау ұзаққа созылғандықтан, сот жаза қолданды. Жаза белгіленген мерзімде тасымалдаушы әлі анықталмаған болатын. Бірақ біздің тарапымыздан істің созбалаңға түсу себептері де белгілі. Жаза қолданылған соң екі күннен кейін қайта конкурстық рәсімдер аяқталып, тасымалдаушы анықталды. Бүгінгі таңда мониторинг бойынша тұрақты жұмыс жүргізудеміз.
Сонымен қатар, ақпан айында кент жұртшылығының өкілдері әкімнің жеке қабылдауында болды. Онда олар шет аймақтың негізгі мәселелерінің тізімін белгіледі. Аудан әкімі сол күні ауданды абаттандыру бойынша кешенді жоспар әзірлеу туралы тапсырма беріп, сәуір айында бұл жоспар тұрғындардың сотына ұсынылды. Бүгінгі күні коммуналдық қызметкерлердің еңбегінің кейбір оң нәтижелері байқалады: тұрғындардың өтініші бойынша тік көтерілу орындарында баспалдақ марштары орнатылды, көшелер жарықтандырылды, аулаішілік жолдардың бір бөлігі асфальтталды. Жақында бұрынғы «Асқар Тау» мейрамханасы ғимаратында мәдени-сауық орталығы ашылып, таныстырылды. ТҮКШ қалалық бөлімінің жоспарындағы ендігі шаралар - өзендегі су деңгейі түскен соң басталатын «Ертіс» бау-бақша серіктестігіндегі көпірді жөндеу, сондай-ақ Промбаза ауданындағы тіреу қабырғасын жөндеу.
– Кешке келе жатқанда мүлде таңсық аудан болып сезіледі, – дейді жергілікті тұрғын Кристина Оконешникова. – Айналамыз сондай жарық. Стадионға дейінгі жолды жарықтандырғаныңыз үшін рахмет, өйткені балалар мектепке барады. Сондай-ақ балалар алаңының қоршалғаны да жақсы болды. Аблакетка дамып келеді. Қатты қуаныштымыз.