Өскемен қаласының тарихи орталығы сәндік-көркем жарықтандырумен безендірілетін болады

Жаңа жоба бойынша Достық үйін және оның маңындағы ғимараттарды кеңестік ампир стилінде жарықтандыруды көздеуде, деп хабарлайды YK-news.kz тілшісі.

Жобаға сәйкес, аталған аумақ және оның айналасындағы құрылыстар монохромды типтегі жарықдиодты прожекторлармен жарықтандырылмақ. Нәтижесінде ғимараттардың қатаң сәулеттік бөліктерінің сызықтары қасқарая жылы түспен жарқырайтын болады. Жобаны іске асыру бойынша жұмыстар 2023 жылдың маусым айында бастау жоспарлануда.

— Металлургтердің мәдениет сарайы мен оның маңындағы алты үй жарықтандырылады, — дейді қала әкімі Жақсылық Омар. — Жобаны іске асыруға қаражат бөлінген, конкурстық рәсімдер жүріп жатыр. Қала күніне арналған жарықтандыруды орнатуды аяқтауды жоспарлап отырмыз. Сәулетшілерге бұл туралы ұсыныс 2021 жылы жасалған. Бұрынғы «ДКМ» ғимараты бір кездері жеке қолда болған және мақсатсыз пайдаланылған еді. 2012 жылы ол қалаға қайта қайтарылып, қалпына келтірілді және қазір мұнда аймақтың барлық этномәдени бірлестіктері орналасқан. Бұл Өскемендегі ең әдемі ғимарат, сондықтан біз мұндай сәулеттік ескерткішті барынша сақтауымыз керек. Ұтымды жарықтандыру арқылы бұл ғимараттың сұлулығын түнде де тамашалауға болады.

Мира Круль
Иллюстрацияларды қалалық әкімдік ұсынды