Өскеменде жолдарды орташа жөндеудің екінші кезеңі басталатын учаске аталды

Сәуір айынан бастап жүргізілген осындай жол жұмыстарының бірінші кезеңі аясында 17 қалалық трасса орташа жөндеумен қамтылды, деп хабарлайды YK-news.kz тілшісі.

— Қазір екінші кезеңді бастауды жоспарлап отырмыз, — деді қала әкімі Жақсылық Омар.

Қала басшысының айтуынша, жұмыс жүргізілетін бірінші учаске — Үлбі көпірі және Сағадат Нұрмағамбетов (бұрынғы Орджоникидзе) көшесі.  Жол төсемін ауыстыратын қалған учаскелерді арнайы комиссия анықтайды.