Өскемендегі Республика алаңында плитка ауыстырылады

30 маусымда бас қала алаңындағы жарамсыз плиткалар ауыстырыла бастады, деп хабарлайды YK-news.kz тілшісі.

Әзірге ескі жабынды ауыстыру алаңның бір жағында ғана жүзеге асырылуда.

— Оны осыған ұқсас ою-өрнекпен немесе сондай түспен алмастыру жоспарлануда, — деді Өскемен қаласының әкімі Жақсылық Омар. — Ескі төсеніштер "Таза Өскемен" базасына жеткізіледі. Ол сұрыпталып, қаланың басқа жерлерінде қолданылатын болады. Плиткаларды ауыстыру ағымдағы жұмыстар аясында жүзеге асырылады.

Қазіргі уақытта плиткалар ауыстырылып жатқан телімде (полиция пунктіне қарама-қарсы) 2150 шаршы метр жабынды жаңарту жоспарлануда. Алаңның қарама-қарсы жағында орналасқан аллеядағы плиткаларды ауыстыру мәселесі де шешілуде.