14 наурыз күні Қазақстанда Амал мерекесі тойланады

Еске сала кетсек, Наурыз мейрамы биыл елімізде жаңа форматта тойланады. Бүгін Наурыз мейрамының онкүндігі бүгін басталып, 23 наурызға дейін жалғасады, деп хабарлайды YK-news.kz тілшісі.

Онкүндіктің әрбір күнінің өзіндік қасиетті де ерекше мәні бар.

14 наурыз — Көрісу күні — Амал мерекесі. Бұл Наурыз мейрамының алғашқы хабаршысы.

Бұл күні бірін-бірі жаңа жылмен құттықтап, ағайын-туыстың үйіне бару, ақсақалдардан бата сұрау, бір-бірін кешіру, ескі реніштерді ұмыту әдетке айналған.

«Әз-Наурыздың бастауы — Амал күні құтты болсын! Бұл халқымыздың ежелгі әдет-ғұрпын жаңғыртып, төл мәдениетіміздің ажырамас бөлігіне айналған бірегей дәстүріміз. Осы күні ұлттық болмысымыз бен құндылықтарымыз ерекше дәріптеледі. Ел ырысы көбейе берсін!» — деді Қасым-Жомарт Тоқаев.