2025 жылы Қазақстанның барлық республикалық автожолдарында интернет пайда болуы тиіс

ҚР цифрлық даму, инновациялар және аэроғарыш өнеркәсібі вице-министрі Ростислав Коняшкин Шығыс Қазақстан облысының тұрғындарымен кездесуде ағымдағы жылы Республикалық маңызы бар барлық трассаларда тұрақты ұялы байланыс және мобильді интернет жолға қойылатынын хабарлады.

Ростислав Коняшкин атап өткендей, министрліктің жеке бағыты бар. Оның мақсаты – елдің барлық автожолдарында тұрақты байланыс пен мобильді интернетті қамтамасыз ету. Жұмыс жергілікті атқарушы органдармен тығыз қарым-қатынаста жүргізіледі. Өткен жылы сигнал сапасы нашар аймақтарды анықтау үшін өлшеулер жүргізілген. Осы мәліметтер негізінде қосылу үшін басым учаскелер анықталды. Қазіргі уақытта Республикалық маңызы бар автотрассалар бойында антенна-діңгек құрылыстарын орнату жүргізілуде. Жұмыс өткен жылы басталып, ағымдағы жылы аяқталады.

— Жол бойында салу қымбатқа түседі, — деп түсіндіреді Ростислав Анатольевич, — бұл инфрақұрылым бойынша өте үлкен жұмыс. Келіп, базалық станцияны қою қиын емес. Дұрыс діңгек құрылымдарын қамтамасыз ету, электр қуатын, кабельді және т.б. жеткізу қиын. Сондықтан мемлекет тарапынан шығындарды азайту үшін байланыс операторларына одан әрі жалға беру үшін антенна-діңгек құрылыстарын орнатуға дайын жеке инвесторларды іздеу жүргізілді.

Республикалық трассалардағы жұмыстар аяқталғаннан кейін 2025 жылы келесі кезең басталады - ол жергілікті маңызы бар автожолдарды ұялы байланыспен және мобильді интернетпен қамтамасыз ету.