ШҚО-да алғашқы сайлаушыларға естелік сыйлықтар табысталды

Бүгін таңертең алғашқы сайлаушылар өздерінің азаматтық ұстанымдарын білдіру және Құрылтай депутаттарын сайлауға қатысу үшін сайлау учаскелеріне келді, деп хабарлайды YK-news.kz.

Учаскелер ашылған сәттен бастап тұрғындарға дауыс беру үшін барлық қажетті жағдайлар жасалды. Өңірдегі барлық 534 сайлау учаскесі сағат 7:00-де жұмысын бастады. Алғашқы болып дауыс берген сайлаушыларға естелік сыйлықтар табысталуда.

«Бұл жай ғана күнтізбедегі кезекті күн емес, ел өміріндегі маңызды сәт. Өйткені әрбір дауыс — азаматтың өз таңдауын білдіруі және елдің болашағына деген сенімінің айғағы. Бір сәтте қабылданған шешім болашаққа деген үлкен жауапкершіліктің көрінісі болып табылады», — деп атап өтті әкімдікте.

Шығыс Қазақстан тұрғындары бүгін сағат 20:00-ге дейін өз таңдауын жасай алады.

Фотоны әкімдік ұсынды