Зайсаннан Астана мен Алматыға авиарейстер іске қосылуы мүмкін

Бұл туралы Шығыс Қазақстан облысының әкімі Ермек Көшербаевтың Зайсан ауданына жұмыс сапары барысында белгілі болды дейді YK-news.kz.

Зайсан тұрғындары Ермек Көшербаевқа жергілікті әуежайда қосымша рейстер ұйымдастыру туралы өтініш білдірді. Атап айтқанда, Астана мен Алматыға авиарейстер ұйымдастыруы мәселесін көтерді.

Әкім бұл бағыттар сұранысқа ие екендігін және мәселе тиісті министрліктер, комитеттер мен басқармалар деңгейінде қаралуы тиіс екенін атап өтті.