Шығыс Қазақстандағы жылыту маусымы сәтті өтті

23 қыркүйекте басталған маусымның басталуына дейін ауқымды жөндеу науқаны жүргізілді: 68,5 км жылу желілері, 13,3 км су құбыры және 53 км кәріз желілері, сондай-ақ 603 км электр желілері жөнделді.

Өскемен мен Риддердегі ЖЭО-ны жаңғыртуға ерекше назар аударылды. Өңірдің үш станциясында 14,4 млрд теңге сомаға жұмыстар жүргізілді-18 қазандық пен 13 турбина жөнделді, бұл жабдықтың тозу деңгейін 62,1 пайыздан 58,4 пайызға дейін төмендетуге мүмкіндік берді.

Риддер ЖЭО жіті назарда қалып отыр: екі жыл ішінде тозу деңгейі 29 пайызға, ал желілер 15 пайызға төмендеді. 2024 жылы мұнда 7,9 млрд теңгеге күрделі жөндеу жүзеге асырылып, 19 км жылу трассасы ауыстырылды, алты қазандық пен үш турбогенератор жаңартылған болатын.

2025 жылы жұмыс жалғасады. Риддер ЖЭО-да тағы екі қазандықты, алты шақырымға жуық желіні жөндеу және отын беруді жаңғырту жоспарланған. Сонымен қатар, Өскеменде ЖЭО жөндеуге 8,1 млрд теңге бөлінді.

Мәдина Кайнарова