«Заң және жастар»: өмір туралы әңгіме, заң және қателіксіз таңдау

КАСУ жоғары колледжі базасында «Заң және жастар» атты диалогтық алаң өтті. Іс-шара ЗиП идеогемасы аясында ұйымдастырылып, оның мақсаты — студенттердің құқықтық мәдениеті мен азаматтық жауапкершілігін арттыру болды.

Кездесуге құқық қорғау органдарының өкілдері мен психологтар қатысып, жастардың құқықтары мен міндеттері, құқық бұзушылықтың алдын алу және құқықтық сананы қалыптастыру мәселелерін талқылады.

Спикерлер, сонымен қатар, нашақорлық пен өзге де тәуелділіктердің алдын алу тақырыбына назар аударып, құқықтық сауаттылық пен саналы таңдау — салауатты өмір салты мен қауіпсіз болашақтың кепілі екенін атап өтті.

Іс-шара ашық диалог форматында өтіп, студенттер белсенді түрде сұрақтар қойып, өз пікірлерімен бөлісті. Бұл кездесу жастардың құқықтық мәдениеті мен жеке жауапкершілігін арттыруға бағытталған маңызды қадам болды.